Twyll negesydd

Yn yr adran hon:

Beth yw twyll negesydd?

Twyll negesydd yw pan fydd rhywun yn cysylltu â chi dros y ffôn gan ddynwared awdurdodau dibynadwy fel swyddogion heddlu neu swyddogion banc. Efallai y byddan nhw hyd yn oed yn gwneud hyn yn bersonol.

Maen nhw'n gwneud hyn i'ch twyllo i drosglwyddo arian parod neu'ch cardiau banc iddyn nhw, neu i negesydd. Weithiau maen nhw'n twyllo dioddefwyr i brynu a throsglwyddo eitemau drud eraill, fel gemwaith. Efallai na fydd y negesydd hyd yn oed yn gwybod ei fod yn cael ei ddefnyddio fel rhan o'r drosedd.

Os yw hyn wedi digwydd i chi, mae'n bwysig gwybod nad arnoch chi mae’r bai a bod yna gymorth ar gael ichi.

Enghreifftiau o dwyll negesydd

• Gall troseddwr yn eich ffonio chi i ddweud bod problem gyda'ch cyfrif banc a’ch perswadio i ddweud beth yw PIN eich cerdyn banc. Efallai byddant yn dweud bod taliad twyllodrus ar eich cerdyn neu fod rhywun wedi cael ei arestio gan ddefnyddio eich manylion.  Yna maen nhw'n dweud y bydd negesydd yn codi’ch cerdyn banc, er mwyn iddo gael ei ganslo. Gyda'ch cerdyn a'ch PIN, nawr maen nhw’n gallu defnyddio'ch cerdyn.
  
  
• Gall troseddwr eich argyhoeddi bod yna ymchwiliad lle mae angen i chi godi arian parod neu brynu eitemau drud. Gall y rhain fod yn arian cyfred tramor neu cripto, fwliwn aur, gemwaith, ffonau symudol neu nwyddau dylunwyr. Maen nhw’n dweud y bod angen ichi wneud hyn er mwyn iddyn nhw allu adnabod y person llygredig. Gall y troseddwr hefyd ddynwared swyddog heddlu.
  
  Unwaith i chi brynu'r eitemau neu godi’r arian parod allan, byddan nhw'n gofyn i chi ei roi i negesydd, neu ei bostio i gyfeiriad, gan honni y byddan nhw'n ei drosglwyddo i'r heddlu. Yna byddan nhw'n cymryd yr arian neu'r nwyddau.
  
  
• Gall twyllwr hefyd ddweud bod eich cyfrif banc wedi cael ei gymryd drosodd a bod angen i chi drosglwyddo eich arian i gyfrif 'diogel' newydd. Mae'r cyfrif newydd yn cael ei weithredu gan y troseddwyr, sydd wedyn yn dwyn yr arian.